دهؤك كؤلبارانى شورته ده كات

له‌ یاریگه‌ی دهۆك، یانه‌ی دهۆك توانی به‌رده‌وام بێت له‌ سه‌ركه‌وتنه‌كانی دوای ئه‌وه‌ی به‌ چوار گۆڵی بێ به‌رامبه‌ر له‌ یانه‌ی شورته‌ی برده‌وه‌، گۆڵه‌كان له‌لایه‌ن هه‌ردوو یاریزان ئه‌حمه‌د عه‌بدولجه‌بار (2) گۆڵ و عه‌لی جه‌واد (2) گۆڵ له‌ خوله‌كه‌كانی (36، 56، 77، 85) تۆمار كران.

به‌م ئه‌نجامه‌ش، یانه‌ی دهۆك به‌ كۆكردنه‌وه‌ی (45) خاڵ له‌ پێشه‌نگی تیپه‌كانی گرووپی یه‌كه‌م مایه‌وه‌.

له‌ یارییه‌كی تر كه‌ له‌ یاریگه‌ی شه‌عب له‌ به‌غدا به‌رِێوه‌چوو، یانه‌ی كه‌ركوك به‌ گۆڵێكی بێ به‌رامبه‌ر له‌ یانه‌ی قوه‌ی جه‌وییه‌ی برده‌وه‌. گۆڵه‌كه‌له‌لایه‌ن یاریزان عه‌لی حسێن له‌ خوله‌كی 27 تۆمار كرا ویانه‌ی كه‌ركوك به‌ 3 خاڵی گرنگ به‌ره‌و شاره‌كه‌ی خۆی گه‌رِایه‌وه‌.

به‌م ئه‌نجامه‌ یانه‌ی كه‌ركوك كۆی خاڵه‌كانی گه‌یشته‌ 23 خاڵ چووه‌ پله‌ی 11.