( بۆ كام كچ بژیم ؟ )

ي ( بۆ كام كچ بژیم ؟ )

هانا بۆ كێ به‌رم
بۆ گوڵه‌ پێ لێنراوه‌كان
هانا بۆ كێ به‌رم
بۆ گوڵه‌ هه‌نجن كراوه‌كان

ده‌ستى كێ بگرم و
له‌م دونیایه‌ بسورێمه‌وه‌
ببمه‌ مۆمى كام كچ و
له‌به‌ر ده‌میدا بتوێمه‌وه‌

بچمه‌ كامه‌ شوێن و
كامه‌ رِێگه‌ بگرم بۆ ئه‌وه‌ى بژێمه‌وه‌
له‌كێ بچمه‌ پێش بۆ ژیان و
له‌كام باغه‌وان بپارێمه‌وه‌

چ جۆره‌ رِێگه‌یه‌ك بگرمه‌به‌ر
بۆ چوونه‌ نێو قه‌فه‌زى زێرین
چ جۆره‌ نوێژێك بكه‌ین
تاكو بووكمان بێ منه‌ت بگێرِین

به‌گومانم .. ترس له‌دڵمدایه‌ ,
نه‌ رِۆژم رِۆزه‌ , نه‌شه‌وم شه‌وه‌
بێ ئارام و بێ ئۆقره‌م ,
زۆر شه‌كه‌تم , چاوه‌كانیشم بێ خه‌وه‌

ئاخ له‌داخى رِه‌ووتى ئه‌مرۆ
چ بێ رِه‌حمانه‌ ده‌وران ده‌ورانیه‌تى
له‌م جیهانه‌ گه‌وره‌دا ئه‌رِۆم و
گوزه‌رمه‌ به‌ته‌نیایى و به‌شه‌كه‌تى

چیه‌ ده‌ڵێى ساغ نه‌ماوه‌ گوڵێكى جوان
له‌ نێو باغى ئه‌م جیهانه‌
ده‌ستم بۆ هه‌ر گوڵێك برد
درك ده‌ستى گرتم به‌بێ رِه‌حمانه‌ !!

ده‌ستم بۆ چه‌ندین گوڵ برد وه‌رى ,
تووشم بوو ده‌رده‌سه‌رى
گومان داگیرى كردووم
خۆم له‌هه‌موو كچێك كردووه‌ بێ به‌رى

كه‌ هه‌نگاوم ئه‌نا له‌دواى هه‌ر شۆخێك
دابرِان ئه‌بووه‌ ئه‌نجامى كۆتایى
چونكه‌ باش كردنه‌وه‌ى بوخچه‌ى رِابردووى
باشتر بوو هه‌ڵبژێرم ته‌نیایى

بۆیه‌ ئه‌ڵێم له‌گه‌ل كێ بژیم و
به‌وپه‌رِى سه‌ربڵندى و ئاسوده‌یى بسورێمه‌وه‌
پێم ناڵێن ببمه‌ مۆمى كام كچ و
له‌به‌ر ده‌میدا بۆ ئاسوده‌یى ئه‌و بتوێمه‌وه‌


شیعرى سرهنك محسنت