ره‌وشتی میسی رێگره‌ له‌به‌رده‌م به‌خراپ باسكردنی ناوبژیوانان

له‌ وه‌ڵامی رۆژنامه‌نووسێك كه‌پرسیاری له‌ لیۆنێل میسی كرد كه‌ ئایا ناوبژیوانی یارییه‌كه‌ ئاستی به‌پێی پێویست نه‌بوو وتوانای به‌رِێوه‌بردنی ئه‌م جۆره‌ یارییانه‌ی نییه‌، میسی گووتی: ئه‌ركی من تۆماركردنی گۆڵه‌ نه‌ك هه‌ڵسه‌نگاندنی ئاستی ناوبژیوانان، به‌رده‌وام ناوبژیوانان زوڵم له‌ هه‌ندێ تیپ ده‌كه‌ن، به‌ڵام نابێته‌ هۆی سه‌ره‌كی دۆرِاندنی تیپ.

هه‌روه‌ها گووتی: ئه‌وه‌ی پێویست بوو له‌سه‌رمان پێشكه‌شمان كرد، سێ خاڵَی یارییه‌كه‌ بوو كه‌ زۆر پێویستمان پێی بوو بۆ ئه‌وه‌ی جیاوازی خاڵه‌كانمان له‌گه‌ڵ ریاڵ وه‌كو خۆی بمێنێته‌وه‌ و له‌ پێشه‌نگ به‌رده‌وام بین.

جێی باسه‌ ناوبژیوانی یارییه‌كه‌ی به‌رشه‌لۆنه‌ و خیتاڤی گۆڵێك و دوو لێدانی سزای بۆ به‌رشه‌لۆنه‌ نه‌ژمارد كه‌ بووه‌ هۆی نارِه‌زایی گوارده‌یولای راهێنه‌ری به‌رشه‌له‌.