هه ولير سه ركه وتنى يه كه ى به ده ست هينا

یانه‌ی هه‌ولێر، له‌ جامی یه‌كێتی تۆپی پێی ئاسیا دا، دوای دۆڕانێك و دوو به‌رامبه‌ر، به‌ ئه‌نجامێكی گه‌وره‌، تامی یه‌كه‌م سه‌ركه‌وتنی چه‌شت.

كاتژمێر 5ی ئێواره‌ی ئه‌مڕۆ له‌ یاریگه‌ی زه‌رقا له‌ وڵاتی ئورده‌ن، یانه‌ی هه‌ولێر، ڕووبه‌ڕووی یانه‌ی عروبه‌ی عومانی بۆوه‌ و له‌و یاریه‌دا یاریزانانی هه‌ولێر ئاستێكی به‌رزیان پێشكه‌ش كرد، توانیان به‌ سێ گۆڵی بێ به‌رامبه‌ر یاریه‌كه‌ ببه‌نه‌وه‌، ئه‌مه‌ له‌ كاتێدا له‌ قۆناغی ڕابردوودا، هه‌ولێر وعروبه‌ی عومانی له‌ مه‌سقه‌ت به‌ گۆڵێك به‌رامبه‌ر ببوون.
گۆله‌كانی هه‌ولێریش، له‌ ڕێگه‌ی یاریزان "لوئه‌ی سه‌لاح" له‌ خوله‌كی 43ی گێمی یه‌كه‌م تۆماركرا، گۆڵی دووه‌م و سێیه‌می هه‌ولێر له‌ گێمی دووه‌مدا له‌ خوله‌كه‌كانی 49 و 77 له‌ رێگه‌ی یاریزانان، "ئه‌حمه‌د سه‌لاح" و "موسلیم موباره‌ك" تۆمار كران.
به‌م شێوه‌یه‌، یانه‌ی هه‌ولێر، له‌ گه‌ڕی چواره‌می یارییه‌كای خولی یه‌كێتی تۆپی پێی ئاسیا، دوای دۆڕانێك و دوو به‌رامبه‌ر، به‌ ئه‌نجامێكی گه‌وره‌، تامی یه‌كه‌م سه‌ركه‌وتنی چه‌شت و خه‌نده‌ی خسته‌وه‌ سه‌ر لێوی هانده‌رانی.
به‌م ئه‌نجامه‌، كۆی خاڵه‌كانی هه‌ولێر گه‌یشته‌ (5) خاڵ و چووه‌ پله‌ی دووه‌می گرووپی سێیه‌م و له‌ گه‌ڕی پێنجه‌م رۆژی 5/5/2009 له‌ هه‌مان یاریگه‌، رووبه‌رِووی یانه‌ی موبه‌رِه‌ی لوبنانی ده‌بێته‌وه‌.

بيرؤزه بيرؤزه بيرؤزه بيرؤزه