به‌رشلۆنه‌، جامی ئیسپانیای به‌ده‌ستهێنا

جيهان 2009-05-13 - 11:08
به‌رشلۆنه‌، جامی ئیسپانیای به‌ده‌ستهێنا
‌یانه‌ی به‌رشلۆنه‌ بۆ جاری (25) له‌ مێژوویدا توانی نازناوی جامی شای ئیسپانیا له‌ تۆپی پێ به‌ده‌ستبێنێت، دوای ئه‌وه‌ی له‌ یاری کۆتایی به‌ ئه‌نجامی (4-1) گۆل سه‌رکه‌وت به‌سه‌ر یانه‌ی ئه‌تله‌تیک بلباو.

له‌ گێمی یه‌که‌می یارییه‌که‌دا و یاریزان (بیندۆ) له‌خوله‌كی‌ (9)دا توانی‌ گۆڵی‌ یه‌كه‌م و پێشكه‌وتن بۆ یانه‌ی‌ بلباو تۆماربكات و دوای ئه‌م گۆڵه‌ یاریزانی یانه‌ی به‌رشلۆنه‌ (یایاتۆرێ) توانی‌ گۆڵی به‌رامبه‌ر له‌ خوله‌کی (31)دا تۆماربکات و ئه‌نجامه‌که‌ یه‌کسان بکاته‌وه‌ و گێمی یه‌که‌م به‌م ئه‌نجامه‌ به‌کۆتاهات.

له‌گێمی دووه‌مدا یانه‌ی به‌رشلۆنه‌ کۆنترۆلی یاریگایان کرد و سێ گۆڵیان له‌ رێگای یاریزانان (میسی و بۆیان و چاڤی) له‌ خوله‌که‌کانی (55 و 58 و 64) تۆمارکرد و یارییه‌که‌ به‌م ئه‌نجامه‌ و به‌ چوار گۆڵ به‌رامبه‌ر به‌ گۆلێک له‌ به‌رژه‌وه‌نی به‌رشلۆنه‌ به‌کۆتاهات و نازناوه‌که‌ی بۆ جاری (25) له‌ مێژووی خۆیدا به‌ده‌ستهێنا.

]ده‌ستت خۆش بێت بۆ دانانی ئه‌و بابه‌ته‌ جوانه‌ هه‌ر بژی سه‌رکه‌وتو