بي ناسه ى شحر

شیعر, ئه‌و زه‌ریا خامۆشه‌ى, له‌به‌ره‌به‌یانى مێژووه‌وه‌, شه‌پۆله‌ ئارامه‌كانى ئاشناى رۆحمان بووه‌, له‌ هه‌رهه‌نگاوێ‌, ده‌نگێ‌, له‌ هه‌رقۆناغێ‌, ڕ‌ه‌نگێ‌. له‌ یه‌كه‌م ململانێ‌ نێوان سروشت و مرۆڤدا, شیعر ئاوێته‌ بوونه‌كانى خۆى له‌ رێى زمانى تایبه‌ت و ده‌نگى تایبه‌ت, ئاراسته‌ كردوه‌, له‌گه‌ڵ هه‌ر ره‌وه‌وپێش چونێكى گۆرانه‌كانیش دا. گه‌رووى شعر, ئاسۆى شیعر, زایه‌ڵه‌ى شیعر, گۆراوه‌.له‌ خه‌باتى رزگارى نیشتمانىدا, ئه‌و بالنده‌یه‌ بوو, هه‌میشه‌ به‌ دواى هیلانه‌كانى ئازادى و سه‌ربه‌خۆیى, هه‌گبه‌ى پرسیاره‌كانى, له‌ كۆڵا بوو, له‌ خه‌باتى چینایه‌تى‌و ئازادى مرۆڤدا. له‌ په‌نجه‌ره‌كانى زیندانه‌وه‌, بلێسه‌ى گۆرانیه‌كى پڕ‌ له‌ خه‌ون و خولیاكانى سه‌ركه‌وتن بوو, له‌ ژێر په‌تى سیداره‌شدا قاقا به‌ مه‌رگ پێده‌كه‌نى و به‌ بارانى ده‌وت ته‌نیامنم هه‌ناسه‌ى ئازادیم ده‌وێت. شیعر, ئه‌ى سه‌فه‌رى مه‌رگ و ژین و ئازادى و سه‌رفرازى هه‌مووان. به‌ په‌نجه‌كانى ئه‌م ڕ‌ۆمان برینه‌كانى دوێنێت ده‌خوێنینه‌وه‌, ئه‌و برینانه‌ى هه‌میشه‌ به‌ دواى هه‌توانى, خه‌ونه‌كانى گه‌ل و نیشتمان و خه‌مه‌چینایه‌تى و ئازادیه‌كانى مرۆ بوویت. ئه‌مرۆیش هه‌ر به‌ یادى وه‌رزه‌كانى دوێنێ‌, جه‌سته‌ى خوێناوى هێندێكتان, پاك پاك به‌ ده‌نگى تازه‌ ماچ ده‌كه‌ین, له‌م زایه‌له‌وه‌, گریانى كۆن و ماچى به‌ساڵا چوو, ده‌فه‌خه‌ماویه‌كانى عیشق, هه‌ناسه‌ تاركیه‌كانى نیشتمان,قژه‌ خه‌والوه‌كه‌ى سروشت, چیترو چیتر به‌موزیكێك, لێوان لێو, له‌ فه‌رموده‌كانى هه‌تاو ئاو به‌ ده‌نگێك له‌ گۆرستانى ئه‌فسانه‌كانه‌وه‌ به‌ گۆره‌ خامۆشه‌كانتان بلێن, ئیتر واده‌ى زیندوبونه‌وه‌ى شیعره‌, لێره‌ كۆن گۆرانیه‌كه‌و نا چرێ‌, كۆن تا كۆنتر بێت هه‌ر كۆن نابێت.. ((شیعرو ده‌نگ و هه‌لسانه‌وه‌, ئه‌و ئاسمانى به‌ عیشق بوونه‌یه‌, به‌ بارانى كۆن ته‌رمان ده‌كات و به‌ ئاسمانى تازه‌یش پێمان ده‌ڵێت.. خۆ هه‌نگاوه‌ كۆنه‌كان هه‌موویان جوان نین .. به‌ڵام چ بكه‌ین.. خۆشمان ده‌وێن. ده‌كه‌واته‌ له‌ هه‌موو جوانییه‌كان شیعر و له‌ شیعریشه‌وه‌, تیرامانێ‌ بۆ زیندو بوونه‌وه‌ى سیمفۆنیاى گه‌لاكان, ئه‌و گه‌لایانه‌ى ره‌نگیان له‌ره‌نگى شیعر ده‌چێت. له‌ شیعره‌وه‌ بۆ زایه‌له‌, له‌ زایه‌له‌شه‌وه‌, ته‌نیا ده‌نگه‌و پێمان ده‌ڵێت. ئه‌ى خۆشه‌ویسترین وه‌رز, ئه‌ى خواوه‌ندى شیعر, هه‌موومان خۆشمان ده‌ێیت.بۆیه‌ ده‌بێ‌ گوێرادێرن له‌ زایڵه‌ى شیعرو له‌ ئاوازى پڕ‌ له‌ نازى شیعر, له‌ ئاوازى رۆح و هه‌ناسه‌, له‌ ئاوازى نه‌ستى بزوین و هه‌ستى بزوێن وروژێن, له‌ ئاوازى یه‌كه‌م و دواپه‌ناگاى عیشق و خۆشه‌ویستى و لاواندنه‌وه‌ى رۆژمێرى ته‌مه‌ن و رۆژگار.. به‌ڵێ‌, ئاوازى شیعر و شیعرێك به‌ ئاواز.... زایڵه‌ى شیعرو شیعرى زایله‌, زایله‌یه‌ك له‌ ژانى مێژوه‌وه‌ چریكاندوویه‌تى و له‌ ئاره‌زووى مێژوه‌وه‌ چریوویه‌تى و زایڵه‌یه‌ك له‌ كۆنه‌وه‌له‌ چرپه‌و چرین نه‌كه‌وتووه‌و ئێستاش, هه‌ر نه‌مامى شیعر داده‌چێنى.
گوێرادێرن له‌ شیعر, له‌ و زایله‌یه‌ى بته‌وێ‌ نه‌ته‌وه‌ێ‌, وه‌كو جوانى سروشت, هه‌تا دێت جوانتر ده‌بێ‌ و هه‌ر ده‌شبێ‌ سه‌یرى به‌ژنى هه‌ڵچوى و روخسارى بێ‌ ئارایشتى بكه‌ین, ئه‌مه‌ ئێوه‌و ئه‌مه‌ش زایله‌ى شیعرو شاعیران.

زؤر سوباس كاك هه فال به راستى بابه تيكى به سوده
ريزم هه يه بؤجه نابت

بي ناسه ى شحر

بي ناسه ى شحر

رد: بي ناسه ى شحر